Lunglei Civil Hospital-ah Doctor dah turin ngen

Lunglei MZP chuan thuchhuah siamin, Lung-lei Civil Hospital aṭanga doctor sawn chhuah aiawh tur sorkarin a la dah lo tih tarlangin, doctor sawn chhuah tak aiawh dah thuai turin sorkar an ngen.

Lunglei MZP chuan Lunglei Civil Hospital-ah doctor an indaih lo hle tih sawiin, "Tun dinhmunah department tinah doctor pakhat zel chauh awm ang an ni. Hetiang hi an dinhmun a nih lai mekin September 1, 2016 khan Dr. Thaizii chu Lawng-tlaiah sawn chhuah a ni a, a aiawh tur dah a nih tawh siloh avangin endoscopy ti tur pawhin doctor an in daih loh avangin endoscopy tih theih a ni lo a, mipuiten harsatna an tawh phah fo," an ti.

Lunglei MZP tarlan danin, September 26, 2016 khan Dr. Lalremruata (medical dept.) leh September 30 khan Dr. Lalriatpuia (Ayush) te pawh sawn chhuah an ni.