Hlep beisei loin PPE chah

RS Drugs Store neitu Cephas Lalrinenga Ralte chuan hlép beisei loin personal protective equipment (PPE) a chah a, sorkar leh mimal damdawi-inte chu hlép nei loin a khultir. Vanglaini palai zawhna chhang in Lalrinenga Ralte chuan, Mizoramah PPE mamawhna a nasat avangin ama ṭhahnem ngaihnain Ahmedabad aṭangin PPE a chah thu a sawi a, "400 ka chah a, 300 chu sorkarin a khul nghal. Grace Hospital-in 50 changin, Synod Hospital-in 40 an chang a, a bak 10 chu Siaha lamah kan thawn. A lak luhna atana senso chhûtin hlep kan nei lo ang a ni," a ti. Lalrinenga Ralte chuan, "Tunah hian chah leh kan tum a, company lam nen kan inbe mek. Tun ṭuma kan chah lai hian 500 an nei a, 400 min pe a, a bak chu anmahni hnuaia thawktute tan an dah a ni," a ti a; India ram pumah PPE an inchuh nasat thu a sawi.