ZPM President-in Mizo mipuite Sorkar ngaichâng turin a ngen

Zoram People's Movement (ZPM) President Lallian sawta chuan, Covid-19 léng mek chungchangah thuchah a tichhuak a; sorkar thu ngaichâng zel turin Mizoram mipui a ngen. Lalliansawta chuan, Covid-19 avangin eng chen nge inkharkhip a la ngaih dawn a, eng anga fi mkhur ngai zel tur nge tih mithiamte'n uluk takin an zir zel a ni tih pawm a ṭul thu a sawi a, "Thuthang léng vel mai maiah innghat lo tur leh sorkar thu ngaic hang ṭhin turin mi tin kan ngen. Hripui léng laka himna zawng kan nih hre rengin, roreltute tihsual chânga sawiselna dap loin, ṭanpuia thurâwn pe zawk turin mi tin kan ngen a ni," a ti.

Covid-19 laka Mizoram a him theihna tura Mizoram sorkarin theihtawp a chhuah hi ZPMin lawmawm a ti a, a bikin Health Minister leh Health department-a thawktute'n mipui himna atan hma an táwng hi fakawm kan ti tak zet. • Hripui laka him nan mithiamte'n kaihhruaina an siam mipuite'n ṭha taka kan zâwm hi a lawmawm a, tlawmngai pawl leh VC/LC member-te'n task force hminga mipuite venhim hna a ṭul apiang an thawk hi a chhuanawm hle.

Kaihhruaina ṭha a awm phawt chuan Mizo hnam hi hnam thuawih, hnam lungrual kan nih a lo lang chhuakah kan ngai. • Mipui tan buhfai leh ei tur dang phur tura truck driver-te inpekna te, mipuite'n êng an neih theih nan chhun zan zawma thawk Power department-a thawktu te, mipui tui in tur petu PHE-a thawktute an fakawm tak zet a, an inpekna hi hrethiama zah thiam turin mipui kan ngen. • Inkharkhip hun chhungin kut hnathawktu, thlai chíngtu leh ran vulhtu bikte tan, him taka hna an 

thawh dan tur ruahman ni se, inkharkhip a ṭul chhung hi chuan an thlai thar leh bawnghnute, etc. pawh sorkarin leisakin, veng/khaw tinah task force-te hmangin zawrh dan him ruahman thei se. • Mimal leh pawl ṭhenkhatin hripui léng vanga puih ngaite puih nan CM Relief Fund-ah te, level hrang hranga task force-ahte sum ṭhahnem tak an thawh a, ṭhenkhatin rilṭám an awm em tih dapin chhawmdawlna an pe mek bawk a, mi tam takin an in luah man an ngaidam a ni. ZPM chuan a ngaihlu tak zet. • Kohhrante'n sorkar thu zâwmin biak-ina inkhawm hial an han châwl hi ZPM chuan zahawm a tiin lawmawm a ti tak zet. Mipuite, sorkar leh kohhran hruaitute remruatna ngaichânga zâwm thiam turin kan ngen a ni. • Mizo nun ze mawi, Kristian sakhaw bia kan nih a hun taka a lo lang chhuak ṭhin hi a lawmawm a, hun harsain a awh rei deuh a nih pawhin, ṭanpuina kut phar theite inhuam zel turin kan inngen a ni.