Buhfai hralh rutute lakah FCSCA-in FIR thehlut

Food, Civil Supplies & Consumer Affairs (FCSCA) depart­ment chuan thu­chhuah siamin, supply centre hrang hranga buhfai sem tur phurtu zingah kawng laka buhfai hralh ru ṭhin an awm thu leh, buhfai hralh ṭhentute lakah first infor­mation report (FIR) theh­luh a nih thu an tarlang.

FCSCA department chuan, department-in buhfai a lak khawm leh supply centre hrang hrang aṭanga phur chhuaktute'n kawng lakah an hralh ṭhin tih finfiah a nih thu a tarlang a, "FCSCA chuan a ngai thutak hle a, bûk dik taka mipui hnena buhfai pek chhuah kawngah harsatna a thlenin dik lo taka mipui chanvo laksakna a ni a, thil dik lo titute dan anga hrem turin sorkar chuan hma a la zel dawn," an ti.

Thil dik lo titute do let tura ṭan rualpuiah FCSCA department chuan Mizoram mipui an sawm nghal bawk.