Fire Safety Awareness & Mock Drill

Serchhip Fire Station-a thawktute chuan Fire Service Week pualin April 17, Ningani khan Eklavya Model Residential School, Serchhipah kângmei laka invên dan leh chhiatna hmachhawn dan a taka inzirtirna leh entirna, Fire Safety Awareness & Mock Drill an buatsaih. 

Zirlaite chu kângmei a chhuah pawha chî-âi mai loa fire station phone no. 03838 222135/8119884154 emaw, police station-ah emaw hriattir vat ṭhin turin an chah a; chhiatna vanga hliam tuarte bâwihsâwm dan tur te, chhanchhuah hna thawh dan te, kâng ṭhelhna hmanraw hrang hrang hman dante an zirtir a ni.