Airport-ah CISF vek duty dawn

April 24, 2025 aṭangin Lengpui Airport-ah Mizoram Police-te duty tawh loin, Central Indus-trial Security Force (CISF) vek an duty tawh dawn.

Ruahmanna siam a nih dan chuan, Lengpui Airport venhim hna leh zin veivakte endik hna thawka awm Mizoram Police-te chuan April 23, 2025-ah Airport an chhuahsan tawh dawn a; a tuk April 24 aṭangin CISF-te'n Mizoram Police-te thawh ṭhin zawng zawng an thawk tawh ang.

Lengpui Airport-ah hian Mizoram Police 76 duty tura dah an ni a; anmahni thlak turin CISF eng emaw zat an lo thleng tawh a, a ṭul dan a zirin an rawn thlen belh zel dawn a ni.