KHAWTHLIR

Mi 153-in thisen pe

April 19, Inrinni khan YMA, Chanmari West Branch chuan ZMCH tan thisen unit 74 an pe a, petute mipa 62 leh hmeichhia 12 an ni. KṬP, Airfield Bialin Synod Hospital tan thisen unit 35 pein, petute mipa 26 leh hmeichhia pakua an ni a; KṬP, Lunglei Bazar Bialin Lunglei Civil Hospital tan unit 21 pein, petute mipa 20 leh hmeichhia pakhat an ni. Inrinni vek khan LIKBK KTP Shalom Unit, Thingkah-in Lawngtlai District Hospital tan thisen unit 13 an pe a, MHIP, New Champhai Branch-in Champhai District Hospital tan unit 10 an pe bawk.

Sawhthing lei dawn

Mizoram sorkar chuan vawiin aṭang hian a thawh hnihna atan Mizorama thar sawhthingte secondary collection centre (SCC) hrang hrangah a lei leh ṭan dawn. SCC-ah hian sawhthing kg. khat Rs 50 zela lei a ni dawn a, lei zat tur erawh hriat a la ni lo.