Buhfai sem tlai chhan sawifiah; Khawl (software) tihdanglam vang

Food, Civil Supplies & Consumer Affairs (FCSCA) department chuan April 2025-a ration buhfai sem tlai a nih chhan sawifiahin, sorkar laipuiin ration semna kaihhnawih khawl (software) a tihdanglam vangin thla dang aia tlaiah ration buhfai sem theih chauh a nih thu a tarlang a; mipui hriatthiamna an ngen.

FCSCA department chuan, mipui hnena buhfai an sem ṭhin chu thla tin a hma lama sem turin theihtawp an chhuah zel thu an tarlang a, "April 2025 thla hian buhfai lam inchhêk khâwl a ṭhat viau laiin ration sem a tlai ta deuh a, hemi chungchang hi mipuite'n a chhan min hriatpui se kan duh a ni," an ti.