Kulikawn-Tlangnuam kawnga lirthei tlan dan tur siamrem

Aizawl Traffic SP Stephen Lalrinawma chuan thuchhuah siamin, Kulikawn leh Tlangnuam huam chhungah zirlai hruai lirthei che vel vanga traffic jam nasa lutuk tihziaawm nan lirthei tlan dan tur a tichhuak a; lirthei tlan dan tur ruahmanna hi April 21-28, 2025 chhung hman chhin tur niin, April 28, 2025-ah thlirhoa kalpui zel dan turah thutlukna siam a ni ang.

Traffic SP chuan, lirthei tlan dan tura ruahmanna chu sorkar dan ang leh April 19, 2025-a Tlangnuam, Tlangnuam Vengthar, Tlangnuam West leh Kulikawn local Ccouncil bakah St. Paul's HSS leh Mary Mount School aiawhte nen an sawihona aṭanga siam a nih thu a tarlang a, "Ruahmanna hi a ṭul anga hman zui emaw, tihdanglam theih a ni ang a, April 28, 2025-ah thlirho a nih hnuah hman chhunzawm zel dan tur thutlukna siam a ni ang," a ti.