AHRR Delhi Soldierathon Mizoram Larsapin a vailiam

Governor Gen. Dr Vijay Kumar Singh chuan nimin zing khan Delhi-a Army Hospital Research & Referral-ah 'AHRR Delhi Soldierathon 2025–Run with Soldiers and Run for Soldiers' a hmanpui a, Soldierathon-a tlan turte a vailiam.

Marathon hi 'Fitistan–Ek Fit Bharat' buatsaih niin, sipai hliamte enkawlna hmun Paraplegic Rehabilitation Center, Kirkee, Pune ṭanpuina tura ruahman a ni a; mi 4,000 vel an tlan a ni.

Soldierathon-in a tum chu ram tana martarte leh hliampui tuarte chawimawi a ni a; ram tana nunna hlantute ngaihhlutna ṭhalaiteah tuh leh chhum lo chat loa (24x7) ram venhim hna thawktu, inpumkhatna leh ram inrelbawlna vawn him kawnga hma latu sipaite chhuanna mipui thinlunga tuhte a ni.