Kuhva rah tihral dan dem

Mizoram Kuhva Chingtu Pawl (MKCP) chuan thuchhuah siamin, Kolasib district-a sorkar thuneitute'n kuhva rah man sa Court thu anga an tihral dan chu an dem thu leh an lungawi loh thu an tarlang.

MKCP chuan, "Kuhva rah an tihral danah hi na takin kan dem. Tun hnuah Court thu anga smuggling kuhva ro tihral tur a awm a nih pawhin Kuhva chingtu ram leilung fate hamṭhatna tichhe lo zawng leh lungawina thlapa tihral tawh ni se ṭha kan ti," an ti.

MKCP chuan, ram dang kuhva tawlhruk tihtawp kawngah chak zawka hma la turin Mizoram sorkar an phût tih an tarlang bawk.