Police laknaa practical result nimin khan tar chhuah a ni

Mizoram Police-in constable eng emaw zat an lak thar tura practical-a tlingte chu nimin khan târ chhuah a ni a, May 3, 2025-ah written examination buatsaih a ni ang.

Thu dawn danin, practical-a tlingte tan April 25 aṭanga May 1, 2025 chhungin admit card lak (download) theih a ni dawn a, May 3-ah written examination buatsaih tur niin, May 13-ah written exam result tihchhuah tur a ni.

Written exam-a tlingte tan personal interview atana admit card chu May 16-18 chhungin download tur a ni a, May 19 aṭanga June 7 chhungin interview buatsaih a ni ang.

Police constable atana tlingte hming chu June 10-ah tar chhuah a ni dawn a, June 11-20 chhung medical examination leh police verification tih tur a ni a, chumi an paltlang chuan June 23, 2025-ah appointment order pek tur a ni.