Farmer of the Year Award dawng

Lalrinpuii, Saikhamakawn chuan April 18, 2025 khan Aspee LM Patel Farmer of the Year Award 2022 a dawng a, Lok Sabha MP Shashank Mani Tripathi-a’n Mumbai-ah a hlan.

Farmer of the Year Award hi category pathum - Horticulture category, Winter Farming category leh Woman Farmer category-ah ṭhen a ni a; Mizoram, Karanataka, Gujarat leh Assam-a mite'n an dawng. Lalrinpuii'n award a dawnna category chu woman farmer category a ni a; hmarchhak biaka farmer ṭha, 'Enterprising Woman Farmer in Vegetable Cultivation from North East Region' a ni.

Lalrinpuii hian kum 2018 aṭangin Horticulture department hnuaiah off season tomato a chíng ṭan a, a hlawhtling chho hle. Best State Farmer Award 2020-21, Best Horticulture Farmer Award (Aizawl district) 2022 leh District Millionaire Farmer of India Award 2023 te a dawng tawh.

Award hi Aspee Agricultural Research and Development Foundation, Mumbai-in kum tin an hlan ṭhin a, April 18, 2025-a an hlan hi Covid-19 len hnua an hlan lehna hmasa ber a ni.