Two wheeler khu chhuahna 43 tichhia

Siaha District Police-te chuan Siaha district-a two wheeler khu chhuahna (exhaust pipe) ri ring chu an man 43 chu Siahaa Chief Judicial Magistrate thu angin Siaha SP pisa kawtah roadroller an chîl chhiattir.

Siaha SP chuan, two wheeler neitute'n lirthei khu chhuahna hmanga danin a phal chin aia ring ri tichhuak thei an hmang ṭhin chu pawi a tih thu a tarlang a, "Hetiang after market exhaust hi hmang tawh lo turin kan inchah a, hmang lui kan lo awm pawhin dan angin action lak zel a ni ang," a ti.

Exhaust pipe ri bengchheng chu hmang hriate chu Siaha Traffic Police leh officer-te hnenah mobile phone hmang pawha hriattir ṭhin turin Siaha SP chuan district mipui a chah a; report petu hming leh address an thup dawn thu leh a ṭul angin hma an lak zel dawn thu a sawi.