Aizawl Bawrhsap Pisapui kum 135 tlin lawm a ni

Aizawl district bawrhsap Lalhriatpuia chuan nimin khan Aizawl Bawrhsap Pisapui kum 135 tlin lawmna leh hriatrengna lungphun a hawng a; DC pisaa thawkte'n Pisapui Hall-ah kum 135 tlin lawmna inkhawm an hmang.

Lalhriatpuia chuan, Aizawl Bawrhsap Pisapui chu Aizawl history-ah hmun langsar taka awm a nih thu a sawi a, "Kum 135-na lawm a nih hian he pisaa lo thawk tawh ṭhinte hre reng chungin mipui rawngbawl hna pawimawh tak hi he pisaa thawk mek leh la thawk turte'n an chhunzawm zel ka duh a ni," a ti.