Brahmaputra Board chairman leh Chief Minister an inkâwm

Chief minister Lalduhoma leh Brahmaputra Board chairman Dr Randir Singh chu nimin khan CM pisaah an inkawm a, Mizorama Brahmaputra Board hmalaknate an sawi dun.

CM Lalduhoma chuan, Brahmaputra Board-in an mamawh an sawite chu a theih anga a lo ngaihven tur thu a a sawi a, "Central sorkar Flood Bank Management fund kan hmuh ve theih nan a ṭul angin dante pawh siam kan tum ang. Kan lui leh tuihna venhimna lam hna te, kan leilung luang ral zel tur venna lama hma in laknaahte thawhpui tur che uin kan inpeih reng a ni," a ti.

Dr Randir Singh hian Brahmaputra Board chu kum 1982-ah central sorkar laipuiin a din a nih thu te, India hmarchhaka luite venhim te, leilung luang ral ven te, tuihna leh lui kaihhnawih thil ṭulte zir chianga hma la tura din a nih thute a sawi a; Zemabawkah regional office an neih thu leh Mizoramah nasa lehzuala hmalak an tum thute a sawi bawk.