Dan zawm lo mi 321 man

December 24 zan dar 9 aṭanga December 25 zing dar 9 thleng khan police, flying squad leh local level task force (LLTF) te chuan The Mizoram (Containment and Prevention of COVID-19) Act, 2020 bawhchhia mi 321 an man.

Dan bawhchhia man tam berte chu hmaituamna vuah lo an ni a, mi 191 man niin, Rs. 100 zel chawitir an ni. Hmaituamna vuah loh bakah hian social distancing zawm lo mi 56, khawlaia chil chhak mi pathum leh curfew bawhchhia mi 71 man an ni. Social distancing zawm lote Rs. 200, khawlaia chil chhak Rs. 300 leh curfew bawhchhiate Rs. 1000 zel chawitir an ni. 

December 24 zan dar 9 aṭanga December 25 zing dar 9 inkara The Mizoram (Containment and Prevention of COVID-19) Act, 2020 bawhchhia man mi 321 te pawisa chawi tlingkhawm chu 1,02,200 a ni.