ICU-ah Covid-19 vei 2 enkawl

State Referral Hospital-ah nimin khan Covid-19 vei mi pahnih dah luh a ni a, anni nen SRH-ah hian hripui vei mi 24 awm mekin, an zinga pahnih chu ICU-ah enkawl an ni. Mi 24 zingah kum 60 chung lam pathum leh kum 14 hnuai lam pathum an tel.

SRH-ZMC Bulletin chuan, SRH-ZMC ICU-a Covid-19 vei enkawl mek pahnihte chu oxygen pek an ni ve ve tih a tarlang a, "Pakhat zawk hi a chau deuha hriat a ni," a ti. Mi dang 22 chu Isolation ward-ah enkawl an ni a, an zinga paruk chu oxygen pek mek an ni tih a tarlang bawk.