Sorkar hnathawk tan NGO-a hruaitu ni turin NOC lak a ngai

Firms & Societies Registrar chuan thuchhuah siamin, pawl (NGO) hruaitu, pawla nihna chelh turin sorkar aṭangin no objection certificate (NOC) lak hmasak zel tur a nih thu a tarlang.

Firms & Societies Registrar chuan, "Mizoram sorkara Vigilance department lehkha No.A.26011/2/2013-VIG dt 9th October, 2013 hmanga office memorandum tihchhuah angin, sorkar hnathawk, non-governmental organisation (NGO)-a pawl hruaitu (office bearer) emaw, executive member nihna chelh turte chuan sorkar aṭangin phalna (NOC) an la hmasa zel tur a ni," a ti.

Sorkar hnathawk zinga NOC la turte chuan office memorandum-in a tarlan tih turte zâwmin dilna thehluh tur a nih thu te, group A & B gazetted officer-in Vigilance department-ah phalna dil tur a nih thu te, group B non-gazetted tan a awmna administrative department-ah leh group C leh D tan head of department-ah dil tur a nih thu leh, NOC chu Firms & Societies Registrar-ah thehluh tur a nih thute a tarlang bawk.