Aizawl kawng kama thil zuarte hmun him zawkah sawn mek zel

Aizawl Municipal Corporation (AMC) chuan tunlai hian dan kalha kawng kama thil zuar ṭhinte hmun him zawka sawn hna an thawk ṭhin a, a tahtawlin hma an la chhunzawm zel dawn.

AMC public relation officer K Vanlalruata chuan, AMC hmalakna chu Aizawl inrêlbâwlna a felfai zawkna tur a nih thu a tarlang a, "Mipuite'n ei tur tuihnai zawk kan lei theih nan te, kawng kama thil zuarte leh a dawrtute himna tur te, kawngpui tâwt lutuk tihziaawmna turte a ni a, chuvangin, Aizawl mipuite thlàwp a hlawh hlea hriat a ni," a ti.

AMC PRO tarlan danin, Venghlui Local Council leh Tuikual South Local Council huam chhunga kawng kama thil zuara ṭhute chu AMC Multi-Complex, Tuikual South-ah an inzawrhna tur hmun buatsaihsak vek an ni a; chuvang chuan tun hmaa an ṭhutna ṭhin kawng kamah ṭhu tawh lo tura hriattir niin, hriattirna chu khauh taka kenkawh an tum a ni.

Kawng kama dan loa thil zuarte survey hna an thawk zel dawn tih sawiin ZPM PRO chuan, "April 26, Inrinni hian Chanmari LC leh Khatla LC huam chhung survey a ni ang," an ti.