Education Fair buatsaih ṭan a ni

Nimin khan SAPE buatsaihin Millennium Centre chung zawlah 15th Education Fair buatsaih ṭan a ni a, minister Lalrinpuii'n a hawng.

Lalrinpuii chuan, Mizo zirlaiten zirna sang zawk an chhunzawmna tura state pawn zirna-in ṭha leh changtlungte an hmelhriatna tur leh belhchian theihna tur hun ṭha buatsaih a ni chu ṭha a tih thu a sawi a; Education Fair chu Mizo ṭhalaite'n an hlawkpui ngei a beisei thu a sawi.

Zirna sang zawk zir tura zirlaite an inbuatsaihnaah thiam zawng leh tui zawng thlan a pawimawh rualin, eizawnna tlak hna pe thei tur thlan thiam a pawimawh thu sawiin Minister chuan, "Health sector-ah pawh dialysis technician leh thiamna bik ngai hna hrang hrangah thawktu duh ang an awm lo ṭhin. Ngaihtuahna thui tak seng chungin, khawtlang leh mipui mamawh thiamna nei thei tur zirna thlan thiam a ṭul," a ti.

Education Fair hi vawiinah chhunzawm a ni dawn a, Mizoram pawn aṭangin university leh college 30 chuang an inpho chhuak a ni.