Kar khat chhungin CADS-in Heroin hawng 460 chuang man

Central YMA hnuaia ruihhlo dotu Central Anti Drug Squad (CADS) chuan April 19-25, 2025, chawlhkar khat chhungin heroin (no. 4) hawng 460 chuang an man.

CYMA aṭanga thu dawn danin, CADS hian April 19-25 chhung khan heroin hawng 460 leh tictac bûr 107 an man a; Nitrazepam mûm 40, AP mûm 10 leh rakzu litre 360 an man bawk.

Ruih theih thil chi hrang hrang man kaihhnawihah hian mi 60 man an ni a; chung zinga mi 37 chu counselling pek niin, mi panga chu Excise & Narcotics department hnenah an hlan a, mi 13 chu home-ah an dah lut a ni.