Sarâng qtl. 18 chuang man

Aizawl Municipal Corporation (AMC), Mizoram Pollution Control Board (MPCB), police leh Bethlehem Veng Local Council-te chuan April 25, 2025 zan dar 8 khan YB Lian, Bethlehem Veng hnen aṭangin hman khat daih sarang (single use plastic) kg. 1,800 (quintal 18) chuang an man.

AMC tarlan danin, hman khat daih plastic man zinga a tam zawk chu polythene ip a ni a, Central Pollution Control Board-in a chhah lam phal chin micron 120 tling lo niin, Myanmar aṭanga lak luh nia hriat a ni.

AMC hian danin a khap hman khat daih plastic la luttute leh zuartute dap chhuah hna an lo thawk tawh ṭhin a, dan zâwm lo mi eng emaw zat an lo hrem tawh a ni.