Tuilian tuarte chhawmdawlna tura ṭanpuina sem beitham deuhah ngai

Tlabung Village Council-te chuan tun hnaia Tlabung tlawha zin Disaster Management & Rehabilitation (DMR) minister Prof. Lalnilawma hnenah khuarel chhiatna, a bikin tuilian tuarte chhawmdawlna tura ṭanpuina sum sem chu a beitham deuha an hriat thu an lo thlen.

Tlabung VC tarlan danin, khuarel chhiatna tuarte hnena State Disaster Response Fund aṭanga ṭanpuina sum sem chhuah zatah state lamin rawtna an thlen thei a; tuilian tuarte'n ṭanpuina tam zawk an dawn theih nan ṭanpuina sem dan (assistance norms) ennawna tihpun a nih theih nan rawtna thlen turin DMR Minister an ngen.

Tuilianin leilet leh a chhehvel a chîm chhiat neitute hnenah ṭanpuina Rs 1,000 zela sem a ni a; chhungkaw ṭhenkhat chuan ṭanpuina sum an dawn chu dawng tura an veivahna lamah an hmang zo nghal deuh vek zel a ni.

Prof. Lalnilawma chuan, tuilian tuarte'n ṭanpuina an dawn zat tun aia tihsan a nih theih nan sorkar laipui lamah rawtna an lo thlen tur thu Tlabung VC-te a hrilh.