Lunglei MZP-in ATL kawng an dang; A ṭul ang zat sum kan dah leh dawn - CM

Mizo Zirlai Pawl Headquarters, Lunglei chuan, Aizawl-Thenzawl-Lunglei (ATL) kawng chungchanga sorkara an phût a hlawhtlin loh avangin nimin zing dar 7 aṭang khan tiam chin awm loin Pûkpui daiah ATL Road an dang. Vawiin aṭangin Hrangchalkawnah kawng dan tel an tum bawk. Chief minister Lalduhoma chuan, Kanghmun South leh Mausen inkar chu CRRI-in estimate an siam hnuah a ṭul ang zat zat sum dah an inhuam thu a sawi.