Lung tlain car a delh, mi 3 an thi

Nimin tlai dar 3:30 vel khan Tlawng lui leh Lengpui inkara Pukpui tuikhawthla chhakah kawng chhak lam aṭanga lung tlain kawngpuia i10 Grand car tlan lai a delh a, mi 3 an thi a, mi pakhat a hliam.

Lengpui aṭanga thu dawn danin, car-ah hian chhungkaw pakhata mi pali an chuang a; Lalrinliana (64) Falkland Veng bakah a nupui Lungtiawii leh an fanu Vanlalhruaii (24) te a hmunah an thi a, car khalhtu Lallawmzuala (28) s/o Lalrinliana a hliam bawk.

Vanlalhruaii hi Singapore-a nurse hna thawka awm a ni a, Singapore aṭanga a rawn haw chu a nu leh pa leh a unaute'n Lengpui Airport-ah an zuk hmuak a, an haw kawngah vanduaina an tâwk ta a ni.

Mitthite leh hliamte hi Lengpui damdawi-inah lak phawt an ni a, hliam Lallawmzuala chu nimin tlai vek khan Civil Hospital, Aizawlah lak a ni.

Vanduaina thlengah hian Lengpui khuaa mi tlawmngaite leh police-te'n chhan chhuah hna an thawk a ni.