Mizorama Covid-19 kái rate 2.38%

December 25 thleng khan Mizoramah swab 1,75,756 endik tawh niin, chu'ng aṭang chuan Covid-19 positive 4,178 hmuh chhuah a ni a, chu chu endik zat aṭangin 2.38% a ni.

IDSP Bulletin tarlan danin, Mizoram aṭangin Kolkata, Guwahati leh Silchar-ahte swab sample 58 endik aṭangin Covid-19 vei mi pakhat, Guwahati-ah hmuh chhuah a ni a; April 7, 2020-a ZMC laboratory-a sample endik ṭan aṭanga December 25 thleng khan sample 89,429 endik tawh niin, hripui vei mi 2,562 (2.86%) hmuh chhuah a ni.

TrueNAT-PCR hmanga district hospital hrang hranga swab sample 14,905 endik tawh aṭangin Covid-19 positive 628 (4.21%) hmuh chhuah a ni tawh a; Rapid Antigen Test (RAT) hmanga sample 71,301 endik aṭangin hripui vei mi 987 (1.38%) hmuh chhuah a ni tawh bawk.