National Commission for ST hotute'n NGO hruaitute an kawm

National Commission for Scheduled Tribes chairman Antar Singh Arya leh Commission member Nirupam Chakma, Dr Asha Lakra leh Jatothu Hussain te chuan nimin tlai khan Hotel Regency, Aizawlah Mizorama tlawmngai pawl hrang hrang hruaitute an kâwm.

National Commission for ST hotute chuan, April 30, Nilaini hian Mizoram chhunga scheduled tribe-te hamṭhatna tur leh chawikanna tura sorkar laipui aṭanga scheme awmte Mizorama kalpui a nih dan te, a hmanna tur dik taka hman a nih leh nih lohte thlirhona, review meeting nei tura rawn kal an nih thu an sawi a, "Review meeting neih hmain tlawmngai pawlte aṭangin in thil hmuh dan leh ngaihdante bakah, thurawn in neihte hriat phawt kan duh avangin meeting hi koh a ni," an ti.

National Commission for Schedule Tribes hian vawiinah Siaha leh Chawngte an tlawh dawn a ni.