Serchhip dist-ah faina lama rating pek tlak loh hotel pakhat a awm

Serchhip District Committee on Swachhata Green Leaf Rating chu an chairman Paul L Khuma, bawrhsap kaihhruaiin nimin han an ṭhukhawm a; Serchhip district-a mikhual thlen theihna hmun (hotel/lodge/inspection bungalow, etc.) 25 endik zingah faina leh thianghlimna kalpui danah rating pek tlak loh hotel pakhat a awm.

Mikhual thlen theihna hmun 25 an endik aṭang hian 5-leaf rating hmu leh 3-leaf rating hmu pathum ve ve a awm a, 1-leaf rating hmu 18 a awm. Hetihlai hian, endikna aṭangin faina leh thianghlimna kaihhnawiha rating pek tlak loh (no-leaf rating) hotel pakhat a awm bawk.

Ṭhutkhawmah hian mipuite'n awlsam zawka an thlenna hmun tur hotel, lodge leh IB fai leh thianghlim an thlan theih nan mikhual thlen theihna hmun hrang hrangte hi an rating hmuh dan nen website-ah tar chhuah ni se, an ti.