Vibrant Village programme

National Cadet Corps 20 Mizo battalion Aizawl chuan nimin khan Zokhawtharah Vibrant Village programme an buatsaih a, Champhai district-a zirna-in hrang hranga NCC cadet, officer leh zirtirtute bakah Zokhawthar khawtual mite an tel.

He hunah hian kawng hrang hranga khawtlang hmasawnna tur te, ruihhlo ṭhat lohzia te, thing phun pawimawhna te, faina chungchang te, thisen pek hlutna te, ram leh khawtlang tan mi ṭangkai nih dan turte an inzirtir a ni.