KHAWTHLIR

Health centre thar

Health & Family Welfare department leh AMC Ward-III corporator C Lalchhandami hmalaknaa din Ramhlun North Urban Health and Wellness Center chu nimin khan hawn a ni. C Lalchhandami chuan, hmeichhiate tan maternity centre nei turin hma an lak tawh ṭhin thu sawiin, "Sorkar hmasaah khan thil ṭha tih a har em em a, tunah sorkar tharin min pe ta hi lawmthu ka sawi a ni," a ti.

Lung lak khap

Champhai bawrhsap Mohammad Aaquib chuanthupek chhuahin, Ṭiau luia lung leh ṭiau lung (granular stone base) lak khap a nih thu a puang. Thupek zâwm lote chu dan hmanga hrem theih an nih thu a tarlang.

Cachar dist tlan tlang theih loh

Silchar deputy resident commissioner Lalhmingliana chuan hriattirna tichhuakin, Cachar district-ah Panchayat inthlan neih a nih dawn avangin Cachar DC thupek angin vawiin tlai dar 5 aṭanga naktuk zing dar 5 thleng Cachar district-ah state dang lirthei tlan phal a nih loh thu a tarlang.

Ngaizelah zanah tlân tlang loh tur

Aizawl district magistrate Lalhriatpuia hriattirna chhuahin, nimin May 1 aṭang khan zanah dar 7 hnu lamah Ngaizel kawngah lirthei tlan tlang phal a nih loh thu a puang a; kea kalte pawh fimkhur turin a chah. Ngaizelah hian lung tlak mai hlauhawm a awm avangin vawiin hian thenfai hna thawh a ni ang.