ZPM leh MNF-in tawrhpui

ZPM leh MNF party chuan thuchhuah siamin, April 30, 2025-a thi Ronald Sapa Tlau, Rajya Sabha MP hlui leh Congress party vice president ni mek chu an ui thu an tarlang.

ZPM chuan, Ronald Sapa Tlau-in chatuan ram a pan tih an hriatin pawi an tih thu leh an ui tak zet thu an tarlang a, "A thihna hi ram tan chânna nasa takah kan ngai. A kalsan tak a nupui fanau, chhungkhat laina leh ṭhian ṭhate bakah, kohhrana a rawngbawlpuite thinlung takin sûnpui a, kan unau MPCC-te'n hruaitu duhawm tak an chân hi pawi kan tiin kan tawrhpui tak zet a ni," an ti.

MNF chuan, "Ram leh hnam tana ngaihtuahna thûk tak nei mi, thil ṭha duh ramin kan chân ta hi pawi kan tiin kan sûn hle a ni," an ti a; Ronald Sapa'n a kalsan a nupui fanaute leh amah hmangaihtu zawng zawngte an tawrhpui thu an tarlang.