April 2025-ah heroin kg. 2.684 leh meth kg. 12.282 man a ni

Champhai Police leh Excise & Narcotics department chuan April 2025 chhungin heroin kg. 2.684 leh metham-phetamine kg. 12.282 an man a; ruihhlo man kaihhnawihah mi 28 manin, thubuai 15 an ziak lut.

Champhai District Narco Coordination Centre Committee (NCORD) an chairman Mohammad Aaquib, bawrhsap hoa April 30, 2025-a an ṭhutkhawmnaa tarlan danin, Champhai district-a Police leh Excise ten April 2025 chhunga heroin kg 1.875 leh methamphetamine kg 12.282 an mante chu Rs 2,41,91,600 hû niin, a ni.

Ṭhutkhawmah hian ruihhlo donaa thawktute'n an hmalakna leh harsatna an tawhte sawiho a nio a; sorkar official-te bakah, Assam Rifles leh YMA Sub-Headquarters, Champhai aiawhte an tel.