Lirthei chesualah mi 2 an thi

April 1 leh nimin khan hmun pahnihah lirtheia chetsualna avangin mi pahnih an thi.

May 1, Ningani chawhnu dar 3 velah khan scooter (scooty) leh LPK truck an insû a, insut­na hmunah scooty-a chuang Lalhruaimawia (16), Tuipui, Champhai district a thi.

Nimin chawhnu dar 2 vel khan Ṭawipui North–II daiah Jio company lirthei Bolero chesualin, kawng thlangah a lum a, a hmunah C Lalremtluanga s/o C Lalbiakenga, Lunglei Bazar Veng a thi a; lirthei khalhtu hnam dang a hliam.

Thu dawn danin, Bolero chetsualna hi tun hnaia truck pakhat chet­sualna laiah niin, truck chu lak chhuah a la ni loh avangin Bolero hi a lo dang. Bolero hian C Lalrem­­tluanga chu truck-ah a delh bet a, tlai dar 4 rîk hma deuh khan a ruang lak chhuah a ni.