Sairangah rél a rawn lut

Bairabi leh Sairang inkara rél kawng siam mekah enchhinna atan April 30 leh May 1 khan Sairang rél chawlhhmun thlengin rél tlantir a ni.

Northeast Frontier Railway ruahmannain April 30 khan Sairang chawlhmun thlengin rél tlantir chhin a ni a, May 1 khan tlantir leh a ni bawk. Bairabi leh Sairang inkar hi km. 51 vel a ni a; leiverh 32, lei lian 55 leh lei tê deuh 89 a awm a, chawlhhmun pali - Hortoki, Kawnpui, Mualkhang leh Sairang-Sihhmuiahte a awm a ni. 

March 2025 thleng khan rêl kawng siam hnaah 95% zawh a ni tawh a, sum ruahman vbc. 8,215 aṭangin vbc. 7,714 hman a ni tawh a; July 2025-ah hawn theih beisei a ni.