CM leh NER hotuin rêl kawng sawi dun

Chief minister Lalduhoma chu nimin khan a pisaah North Eastern Railways (NER) general manager (Construction) AK Chaudhary nen an inkâwm. Chaudhary chuan, hun rei lo têah rêl hmangin Sairangah bungrua phurh thlen a nih dawn thu a sawi.

NER General Manager chuan, Sairang thlengin rêl a rawn luh tawh thu leh hna thawktute'n chhun zan zawma hna an thawh thu a sawi a, "Kumin June thla laihawlah Commission of Railway Safety Inspection neih a ni ang a, June 17 hnu lamah chuan hawn theiha engkim kan inpeih hman kan beisei. Nikuma leiminin Hortoki rêl chawlhhmun a tihchhiat pawh chak takin sak ṭhat a ni a, hun rei lo têah rêl hmanga phurh bungruate'n Sairang an rawn thleng thei tawh dawn a ni," a ti.

Chief Minister hian Bairabi rêl chawlhhmun tihchangtlun hna te, Mualkhang rel chawlhhmun panna kawng te, Sairang rêl chawlhhmuna hna kal mekte leh hmalak dangte a sawipui a ni.

CM Lalduhoma hi CM secretary Vanlaldina Fanai-in a ṭawiawm a; AK Chaudhary chu Railways hotute'n an ṭawiawm bawk.