Aizawla kawng kam bazar chinfel dan tur sawiho a ni

Aizawl Municipal Corporation (AMC) hotute chuan nimin khan AMC conference hall-ah mayor Lalrinenga Sailo hoin Aizawl khawpui chhunga kawng kam bazar awmna veng pakuaa local council hruaitute an kawm a; Inrinnia kawng kama thil zawrh chungchang an sawipui.

Inkawmhonaah hian phal lohna hmuna thil zuar luite lakah khauh taka dan kenkawh a nih dawn thu leh, a tahtawlin Aizawl khawpuia bazar dangte pawh felfai zawka kalpui turin hmalak zel a nih dawn thu AMC hotute chuan an tarlang.

Ṭhuṭkhawmah hian Zemabawk, Bawngkawn, Chanmari, Venghlui, Tuikual South, Khatla, Mission Veng, Thakthing leh Kulikawn LC hruaitute an tel. LC-te chuan an veng chhunga kawng kam bazar an kalpui dante an sawifiah a, kalpui zel dan tura rawtna leh harsatna an neihte an thlen. AMC-in LC-te beráwn chung zela chak leh mumal zawka hma a laknaah thawhho zel ni se, an ti.