Tlawng lui a nut avangin Aizawl tan tui pump hleih theih a ni rih lo

PHE department chuan mipuite hnena ngenna leh hriattirna ti chhuakin, Tlawng lui tui a nut avangin Aizawl khawpui tan tui pump chhuah hleih theih a nih loh thu an tarlang.

Tun hnaia ruahsur avangin Tlawng lui hi nasa takin a nu tih tarlangin PHE chuan, "Heivang hian Aizawl khawpui tan tui pump chhuah hleih theih a ni ta lo a, tui sem pawh nasa takin a khaihlak a ni. Tui nu a ziaawm veleh tui pump a pangngai leh beisei a ni," an ti.

PHE department chuan Aizawl mipuite chu lui hnar kawra leivung paih tawh lo tur te, tui renchem tur te, ruahtui khawl lamah ṭan la turtein mipui an ngenin, an hriattir a ni.