CCM chanchin leh hmathlir zirho

Council of Churches in Mizoram (CCM) chuan May 3, Inrinni khan Lairam Isua Krista Baptist Kohhran (LIKBK) Lawngtlai College Veng kohhran biak-inah zirhona an buatsaih a, thupui chu CCM lo pian chhuah dan leh hma lam thlirna' tih a ni.

Zirhona hi CCM president Rev. Dr R Lalbiakliana'n a kaihruai a, CCM general secretary Rev. Dr Lalhmangaiha'n thupui sawiin, zirho zui a ni a; hlawm ngaah insiamin sawihona hun hman a ni. CCM-a tel kohhran zinga kohhran hrang paruk aṭangin pastor 41 leh rawngbawltu dang 128, an vaiin mi 169 an tel.

CCM-ah hian Mizorama kohhran (denomination) pakua an tel mek a ni.