NH-302-a lung ṭha lo hmante lung ṭhaa thlâk turin hriattir
NH-302 Ngaihven Pawl chuan National Highway no. 302 siamtute’n Tlabung leh Tuichawng inkara lung an hman ṭhenkhat chu a ṭha tâwk lo a, lung ṭha zawk hmanga a rang lama thlâk turin hna thawktute an hriattir tih an tarlang.
NH-302 Ngaihven Pawl hian May 3, Inrinni khan NH-302 siam mek chu Tlabung aṭangin an enfiah a; kawng chunglánga lung tênawi - granular sub-base (GSB) phah atan lung pangngai leh lung chhia an hman pawlh nual niin an sawi. Lung ṭha lo an hmante chu la chhuak a, lung chang zawk hmang turin hna thawktute an hriattir a ni.
Kawng siamna atana lung hman NH-302 Ngaihven Pawlin an duhkhawp lohte chu kawng siamtu BRN Infrastructure hotute chuan an pawmpui a; lung ṭha lo zawng zawng chu an thlak vek tur thu an lo hrilh niin NH-302 Ngaihven Pawl chuan an tarlang bawk.