Police-in meth kg. 236.33 man

Dungtlang Police-te chuan May 4, Pathianni zan khan Thinghrangkawn leh Vanzau inkar, Champhai district-ah metham­phetamine kg. 236.33 (mûm 2,00,99,000) an man a; cheng vbc. 30.72 chuang hûa chhût a ni.

Vanglaini thu dawn danin, Dungtlang Police-te hian patrolling an neih laiin Thinghrangkawn leh Vanzau inkarah hian Bungzung pan mek Bolero MZ-01 G-7112 chu rinhlelh thil thuah an tiding a; a khalh­tu Lalṭanpuia (30) s/o Lalcham­reia leh Vanropuia (27) s/o Lalchamreia, Champhai Vengthar ve ve nia inchhal an chuang a, Vanzau an panpui.

Vanzau-ah hian thuhretu (witness) tur mi pahnih hmuh laiin Bolero chu police-in an dap a, methamphetamine kg. 236.33 an hmu chhuak.