International Year of Cooperatives Walkathon Aizawlah huaihawt a ni

International Year of Cooperatives (IYC) - 2025 lawm na atan Registrar of Cooperative Societies (RCS), Mizoram chuan nimin zing khan IYC-2025 Walkathon an huaihawt a; Cooperation department leh cooperative federation/union hrang hranga thawk mi 100 vel an tel.

Walkathon vailiamna inkhawm Vanapa Hall kawtah buatsaih niin, Cooperative Societies registrar John LT Sanga'n a kaihhruai a, Mizoram Cooperative Apex Bank chairman Lalnunsanga'n a vailiam. Millennium Centre thlengin an kal a, MC kawtah tawpna inkhawm hman niin, Cooperation secretary Amit Sharma-a'n thu a sawi.

United Nations chuan kumin 2025 hi International Year of Cooperatives-ah a puang a, thupui atan 'Cooperatives Build a Better World' tih a ni a, hmalakna tur hrang hrang siam a ni.