MP-in income tax chungchang NCST Chairman hnenah a thlen

Lok Sabha MP Richard Vanlalhmangaiha chuan nimin khan National Commission for Schedule Tribe (NCST) chairman Antar Singh Arya chu Delhi-a a pisaah a kâwm a, income tax chungchanga scheduled tribe-te harsatna a thlen.

Richard Vanlalhmangaiha chuan, Mizoram mai ni lo, India hmarchhaka ST-te'n income tax chungchangah harsatna hrang hrang an tawh thu a sawi a, "Income Tax Act Section 10(26)-in ST-te chhiah a âwl laiin sumdawng ṭhenkhat leh mi tam takin Income Tax office aṭangin ba ṭhìnna an dawng ṭhin a, sipai bángte pension hlawh aṭangin income tax lak a nih ṭhin bakah, central/bank office-a thawk, ST ni site chu an hlawh aṭangin Tax Deducted at Source (TDS) lâk ṭhin a ni," a ti.

Income Tax lamin 'nil return' thehlut ṭhin tura an tih thute leh chu chuan tlangmite tan harsatna nasa tak a siam thute sawin MP chuan, income tax àwl ni chung sia tax ṭhìnna an dawng ṭhin chu mipuiin mak an tih thu leh an hriatthiam loh ṭhin thute a sawi bawk.

Lok Sabha MP thu thleng chungchang hi Antar Singh Arya chuan a lo ngai pawimawh a, hmalak dan turte an sawi dun nghal tih sorkar thuchhuahin a tarlang.