Chawngtlai P/S-I centenary lawm

Chawngtlai Primary School-I chuan nimin khan an sikulah kum 100-na (centenary) an lawm a, bialtu MLA W Chhuanawma, govern-ment deputy chief whip-in hmanpuiin, centenary lungphun a hawng.

W Chhuanawma chuan, Chawngtlai PS I-in kum 100 a tling chu ropui a tih thu sawiin, "He sikula zirtirtu hna lo thawk tawhte leh thawk mekte'n zirlaite an zirtirna leh an kaihhruaina a fakawm. Primary school zirtirtute hi naupang tête zirtirtu in nih avangin in hna a pawimawh a, khawtlang tan mi pawimawh, naupang tam tak tana kawng sialtu in nih avangin theihtawp chhuah ang che u," a ti a, naupangte seilenna turah kawng dik kawhhmuhtu ni turin a chah.

Tuichang bialtu MLA hian Chawngtlai Higher Secondary School building sak thar a hawng nghal a ni.