DC-te'n Governor ṭanpuina hlan

Aizawl leh Khawzawl district bawrhsapte chuan nimin khan home/society 16 hnenah Governor's Discretionary Fund aṭanga ṭanpuina Rs 1,65,000 an sem.

Aizawlah chuan DC conference hall-ah bawrhsap Lalhriatpuia'n home/society 13 hotute hnenah ṭanpuina Rs 1,50,000 a sem. TNT leh Muanna In Boys Home hnenah Rs 20,000 ve ve; Hermon Children’s Home, Gan Sabra, Bethani Children's Home, Motherless Babies Home, Abundant Life Home, SA Motherless Babies Home, Hmangaihna In, Ferrando Children's Home, Rephidim Home, Hmangaihte Run leh Spastic Society of Mizoram te hnenah Rs 10,000 ṭheuh pek a ni.

Khawzawl bawrhsap K Vanlalṭhiana chuan a pisaah Khawzawla naupang enkawlna pathum - Khawzawl Observation Home, Exodus Boys Home leh Little Wood Girls Home hnenah Rs 5,000 ṭheuh a hlan a ni.