Sangha manna hmanrua leh zu hâl

Thenzawla YMA Branch 1-te chuan nimin zing khan Ropaichangkâwnah YMA kumpuan, 'Ram leh hnam humhalh' bawhzuinaa an man, luia sangha man nana hman ṭhin dynamo pali leh hmanraw dang bakah, zu eng emaw zat tichhiain an hâl.

Zu leh dan loa sangha manna hmanruate chu Vantawng Group YMA president LH Chawimawia'n a hâl a; LH Chawimawia chuan, ram leh hnam humhalh kawngah YMA-te'n kawng hrang hrangin hma a la zel dawn tih sawiin, mipuite chu ṭha taka YMA
ṭawiawm turin a ngen.

Thenzawl YMA Branch 1-te hi an huam chhunga lui dungah an duty ṭhin a, sorkar phal loh hmanga luia nungcha mantute an man ṭhin. Ruih theih thil do kawngah pawh hma lain, kumin chhungin ganja kg. 2 leh a neitute an man tawh a; ganja kûng suat beihpui an thlak tawh bawk.