Kolasib dist.-ah NLUP 64.3%-in a hlawhtling

Nimin khan NLUP Implementing Board (NIB) chairman JH Roṭhuama, MLA ho-in Kolasib-a IPR con-ference hall-ah NLUP Implementation Review Meeting neih a ni a; NLUP chu Kolasib district-ah 64.3% hlawhtlinpui a nih tawh tih an tarlang.

JH Roṭhuama chuan, NLUP kalpui ni mah se, Congress sorkar chhung chu NLUP a awm reng dawn tih sawiin, "NLUP hi chak takin sorkarin mipuite dâwmkân nan hma la mah se, mipuite dinhmun dâwm kâng tur chuan mipuite'n kan zir a ngai," a ti a; NLUP chu a ti tak takte'n hlawhtlinpuiin eizawnna atan an hman mek thu a sawi.

Kolasib DC H Laleng-mawia pawhin thu sawiin, an district-ah NLUP chu 64.3% hlawhtlinpui a nih tawh thu a sawi a, "Kan district hi kawng engkimah theihna nei
ṭha kan nih avangin hmun danga an hlawhchham pawhin kan hlawhchham ve thiang lo," a ti.

Meeting-ah hian NLUP line department pa-riatte'n NLUP first phase aṭanga fourh phase thlenga an hmalaknate a lem nen an sawifiah a ni.