Bawngkawnah thiin chhar

Nimin zing dar 4:30 vel khan Lalmuanpuia (31) s/o K Laldinmawia, Lunglei Rahsi Veng, a nupui fanau-te nena Bawngkawna mi in luaha khawsa mek chu Bawngkawn Brigade péng bulah thia chhar a ni a, Aizawl Civil Hospital-ah a ruang endik a ni.

Thu dawn danin, Lalmuanpuia hian fa pahnih neiin, a nupui nau pai mek a nih avangin Lungleia nei nei tura phei tum an ni a; October 10, Thawhṭanni zan dar 1 vela an in aṭanga a chhuak chu nimin zing dar 4:30 velah zinga insâwizawite'n thiin an hmu a ni. Lalmuanpuia chalah leh a hrawkah kut thlakna hnûhmá a awm niin an sawi.