Police nupuite inhmukhawm

Mizoram Police Wives Welfare Association (MPWWA) chuan, nimin khan Police head-quarters-a Arya Mess-ah Rising Day leh General Body Meeting an nei a; Social Welfare minister PC Lalthanliana khuallian a ni a, DGP Thianghlima Pachuau, IGP Zorammawia leh police officer dangte pawhin an hmanpui.

PC Lalthanliana chuan, ngaihsan tur dik ngaih-san a, chawimawi tur dik chawimawi nacháng hriat a pawimawh tih sawiin, "Hei hi kan hnam din chhuahna tur pawh a ni ang. National huapa naupang huaisen chawimawina dawngte leh thil danga chawimawina dawngte ngaihsana chawimawi nachang kan hriat hun hi ka nghakhlel hle a ni," a ti.

Mizoram economy innghahna bulpui pawi-mawh tak chu sorkar a ni tih sawiin, Minister chuan, chhungkaw economy innghahna pawimawh tak chu chhungkaw nute an ni, a ti a. Minister hian police nupui ṭang-rual pawl hnenah puanṭhui khawl pathum a pe a; MPWWA chu an hmalakna hrang hrangah theihtawp chhuah zel turin a chah.

MPWWA hian Mizoram chhungah unit 15 an nei a, police nupui leh chhungkuate tan nasa taka hma lain, puanthui zirnate an hawng a, puanṭhui zir chhuak harsa zualte hnenah puanṭhui khawl an pe ṭhin a ni.