KHAWTHLIR

Thisen pe

Kolasib Hmarveng Bial KṬP chuan, nimin khan Kolasib Hmarveng Kohhran Hall-ah blood donation camp an huaihawt a, Synod Hospital tan mipa 22 leh hmeichhia pakhatte'n thisen unit 23 an pe.

Biak-in hawng

Salvation Army Zo­tlang Corps biak-in thar chu nimin khan SA Eastern India Territory commander commissioner Lalngaihawmi'n a hawng. SA Zotlang Corps hi May 24, 1979-ah din a ni a, Aizawl Bazar Corps aṭanga indang a ni. Biak-in sak nan hian cheng nuai 75 vel sên a ni.

NLUP sem

AH&Vety department chuan October 10, 2016 khan Champhai Vety Dispensary-ah an department hnuaia NLUP thlangtute hnenah ṭan-
puina an sem. NLUP dawngtute hi Khawzawl, Tualte, Chawng­tlai, Aiduzawl, Rabung, Neihdawn, Ngaizawl, Tualpui, Chalrángleh Sialhâwk khuaa
mite an ni a; bawng leh sial vulh thlangtu mi 42 hnenah Rs. 32,000ṭheuh pek a ni.

Khuaiin zûk hlum

Lalhmingmawia Chinzah s/o C Tinkara, Sangau-I chu nimin khan khuaiin a zûk a, a hliam tuar loin a thi. Sangau aṭanga thu dawn danin, Lalhmingmawia hi an khua aṭanga km. 7 vela hlaah fasuar siamna tur hmanrua la tura a kalnaah khawi­vanrial bu tawn palhin, an zûk rawn a, khua
panpui a nih laiin a thi a ni.